Ass wr wb Mak Darul dan sanak dipalanta nan peduli kapado KA & PARIWISATA SUMBAR
Ambo satuju jo pandapek sanak Darul tu, apakah MPKAS atau MAPPAS, harus ado sumber dananyo, untuak bisa hiduiknyo berkesinambungan, JADI INDAK ANGEK-ANGEK CIIK AYAM. Sajak dari awal rapek pembentukan MPKAS di KOMNASHAM dan babarapo kali posting ambo, ambo lah mausulkan, nan namonyo LSM iyo dapek jalan kalau ado kepeang alias pitih, antah dari ma datangnyo, apokah dari sponsor, dari usaha yang di laksanakan atau dari anggota/member/partisan LSM itu sendiri, atau diongkosi sendiri para pengurusnyo, tatap juo pakai pitih. Ambo ambiak contoh di IRPS sajo punyo iuran anggota nan gadangnyo 50.000 per tahun, samo-samo pecinta kereta api, dan kegiatan sosialnyo juo banyak, sarupo karajo bakti mambarasihan stasiun kareta di Banduang, dsb dsb, TAPI KEPENGNYO INDAK DARI ITU SAJO DOH. Baa kok indak juo dilewakan nomor rekening MPKAS itu supayo jan bacarito sajo awak ko pecinta dan peduli kapado KARETA API DI SUMATERA BARAT, tapi tibo di kamanyumbang ilang ciek-ciek, banyak komentarnyo co dilapau kopi. Mungkin dek ambo pernah batugeh kaliliang Indonesia, jadi dimano ambo tingga ambo sato juo sakaki jadi panguruih IKATAN KELUARGA MINANG antah apo namonyo disatiok tampek, iyo jo kepeang juo dapek organisasi tu bajalan, apokah ado sanak awak nan kedukaan, ado loh nan kadipulangkan ka kampueng karano indak talok lai marantau, dan ado nan sakik, nan bacakak antar suku dsb dsb, sadonyo disalasaikan iyo jo kepeang alias pitih, indak jo aie liua sajo doh. Jadi mungkin kiniko dek sumangaik para pengurus MPKAS/MAPPAS sadang tabudua, indak baretong bagai doh, kinyak kaniin jo kepeang sorang, tapi kabara lamo lai talok batahan???? Mungkin ini jadi renungan dek para Pengurus MPKAS dan MAPPAS apo akan bisa lestari dan berkesinambungan kegiatannyo tanpa didukuang dengan suatu sumber dana yang dapat diandalkan dan berkesinambungan pula???? Kan iyo baitu mak Darul dan Pak Chaidir??? CD Rajosampono++ -----Original Message----- From: [EMAIL PROTECTED] [mailto:[EMAIL PROTECTED] On Behalf Of Darul M Sent: Tuesday, February 27, 2007 6:36 PM To: 'Membangun Minangkabau nan Bergengsi' Subject: [EMAIL PROTECTED] 'Ota pitih masuak'. was: Re: Pantai Padang: PakuakdanPangua Assalamulaikum WW Sanak Katik sati jo sanak Erwin. Kalau bajalan iyo batapak ameh, baitu kecek urang awak. Kalau kecek urang Batak (antah iyo antah indak), kencing aja kau harus bayar. Jadi iyo bana sabana rumik soal pitihko. Tanpa pitih buliah dikecekan indak ado nan bisa jalan. Jikok dicaliak dari suduik pandang akunting, indak ado dalam matematik akunting nan minus doh. Jadi harus salalu positif alias harus ado saldo. Disampiang itu sabalun bakarajo harus ado pitih masuak dulu, baru bisa bakarajo, dek indak ado karajo nan bisa dilakukan tanpa biaya. Kencing aja harus bayar. Sebagai contoh, kalau mau rapat MPKAS dan MAPPAS nan sabanano harus ado pitih dulu. Paliang indak pitih untuak ongkos pai ka Komnas HAM, tompaik rapek nan disadiokan dek Urang tuo kito pak Saaf. Disitu, ditompaik rapek, iyo mangaluakan pitih pulo, saroman misano pop mie, gulo, kopi, teh kan indak bisa ado disitu kalau indak dibali jo pitih. Sudah tu lampu penerangan, AC, sekurity dll juo dibaia jo pitih. Tapi iko indak namuah diakui dek awak. Sukseskan Pulang Basamo se Dunia, Juni 2008. ----------------------------------------------------------------- Website: http://www.rantaunet.org ============================================================ UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Email dengan attachment tidak dianjurkan, sebaiknya melalui jalur pribadi. - Posting email, DITOLAK atau DIMODERASI oleh system, jika: 1. Email ukuran besar dari >500KB. 2. Email dikirim untuk banyak penerima. -------------------------------------------------------------- * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-config * Membaca dan Posting email lewat web, bisa melalui mirror mailing list di: http://groups.yahoo.com/group/RantauNet/messages http://groups.google.com/group/RantauNet?gvc=2 dengan mendaftarkan juga email anda disini dan kedua mirror diatas. ============================================================
