Website: http://www.rantaunet.org
==========================================
ANGGUAK ANGGAK, GELENG AMUAH,
UNJUAK NAN INDAK BABARIKAN.
Assalamu’alaikum w.w.
Angku Niniak Mamak, Angku2 Cadiak Pandai
Sarato Dunsanak Sapalanta Nan Ambo Hormati
Ambo mancubo manyampaikan tantang arti nan takandung dalam pepatak di
bawahko sesuai dengan pemhaman ambo. Ambo sampaikan sebagai calak-calak
kaganti asah mananti tukang alun tibo, kok untung cancang tadaek jadi ukia
rahmat tibo dari Allah, semoga. Sabalunnyo ambo mohon kapado angku2 niniak
mamak, angku2 Cadiak pandai, jikok indak dibarih nan tapaek indak dirasuak
lakek atok, indak tasusun nan bak siriah indak ta-atok nan bak gambiak, ambo
mohon maaf. Namun ambo bermohon, kok lamah tolong dibilai, kok singkek tolong
diuleh, kok panjang tolong dikarek. Kok talatak ditapi tolong mangatangahkan,
kok lai talatah ditangah nan samo kito paliharo. Kambanglah jalo diampaikan,
dibao nakrang kuraitaji, apo taraso ambo sampaikan, nan indak nak samo kito
cari.
Anak gagak tabang ka pauah,
Sicucua tabang katapian,
Balam nan duo tigo gayo.
Padang lua jalan ka panta
Rang sumpu jalan barampek.
Angguak anggak geleng amuah,
Unjuak nan indak babarian,
Dalam nan duo tangah tigo.
Bialah roda bapututa
Sumbu nan tetap ditampeknyo.
Kalau kito baco nan tasurek tantang papatahtu nampaknyo memang indak masuak
aka, indak sasuai gerak jo arati, maangguak indak amuah manggeleng amuak,
baunjuak-an tapi indak babarian, lalu dalam nan duo tangah tigo yaitu bisa duo,
biasa duo satangah dan biasa pulo tigo. Namun kalau kito lihek nan tasirek dan
kito cari nan tasuruak, sangatlah gadang aratinyo, adapun aratinyo adolah :
Papatahko adalah sebagai wujut dari keteguhan hati dalam bependirian atau
Istikamah, namun tidak merusak hubungan serta pergaulan dalam kehidupan
bermasyarakat. Pepatahko depek digunonkan dalam kehidupan berpolitik, bisnis,
dan pergaulan dalam kehidupan bermasyrakat pada umumnya, dapat dijelaskan
senbagai berikut :
1. Angguak anggak geleng amuah, maksudnyo adolah :
a. Dalam pergaulan bermasyarakat ma-iyokan pendapek urang lain bukanlah
barati kito sapandapek dengan dia, tetapi hanyalah sebagai penyesuaian diri,
agar orang tersebut indak meraso dipatahkan pandapeknyo atau indak maraso di
gurui, namun kalau telah terjadi pendekatan dan mereka telah mengetahui bahwa
kito mempunyai niat serta itikat baik terhadap mereka, disitu baru sampaikan
plan-pelan apo nan manjadi tujuan kito. Batua kato angku,….tapi,..baru
kamukokan pulo pandapek awak
b. Menolak sesuatu bukan berarti awak indah suko, itulah nan dikatokan
baso basi. Pai awak karumah urang ditawarkan urang awak makan, tapi nasi alun
pulo talatak, awak babaso, awak katokan indak usah,…. ambo baru sajo makan,…
kakamari bana ambo makan. Podohal awah iyo alun makan, paruik litak, tapi kan
indak mungkin atau indak pantas kalau awak katokan, iyolah,….jadi ambo iyo alun
makan dari tadi. Jangan-jangan itu hanyolah baso basi bagi tuan rumah, karano
mungkin pulo persediaannyo indak ado di balakang,….namun kalau ditawarkan,… dan
langsung dilatakkannyo, itu barati dia serius, namun awak tetap babaso
sekalipun kemudian awak amuak, itulah budi,…nan mamakai raso jo pareso.
Atau kito datang batamu karumah urang arilah malam, ditawarkannyo awak lolok
dirumahnyo malamtu, padahal awak iyo butuh penginapan, awak sabananyo amuak,
namun awak tetap babaso indak usahlah bialah ambo babaliak sajo. Karano awak
alun tau, apakok iko hanyo baso basi, atau serius, dan kito liek pulo rumahnyo
ketek, indak nampak pulo persiapan.
2. Unjuak nan indak babarikan, maksudnyo adolah :
Seorang mamak nan bijaksan nan tahu jo kewajiban terhadap kemanakan, dia
batanyo kepada kakamanakan, bara gaji ang kini, dikarano kemanakan tersebut
mintak dilamarkan seorang gadis untuk calon istrinyo. Dan mamakko takuik
tasorong liia dilamar anak urang kok alun cukuik paagiah makan beko. Kemudian
kemenakan manjawab,…. ya lumayanlah mak, cukuiklah untuk sebuah rumah tango
kaciak, ….sikamanakan indak mangecekkan tentang jumlahnyo. Begitu juo seorang
pedagang ditanyo, bara untuangnyo manggaleh dalam sabulan, sipedagang akan
menjawab ya lumayanlah, cukuik untuak hiduik sahari-hari. Atau bentuk-bentuk
lain yang sipatnyo nan saganggam picing atau disabuik urang juo nan batungkuih
jo kain kuning, itulah rahasio paribadi nan awak berhak untuak indak mambari
tahu, dan urangpun paham tantang nantun.
Wassalam,
Azmi Dt.Bagindo
BERSAMBUNG ………..
---------------------------------
Lelah menerima spam? Surat Yahoo! mempunyai perlindungan terbaik terhadap spam.
http://id.mail.yahoo.com/Sukseskan Pulang Basamo se Dunia, Juni 2008.
============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Email dengan attachment tidak dianjurkan, sebaiknya melalui jalur pribadi.
- Posting email, DITOLAK atau DIMODERASI oleh system, jika:
1. Email ukuran besar dari >300KB.
2. Email dikirim untuk banyak penerima.
--------------------------------------------------------------
* Berhenti (unsubscribe), berhenti sementara (nomail) dan konfigurasi
keanggotaan, silahkan ke: http://rantaunet.org/palanta-config
* Membaca dan Posting email lewat web, bisa melalui mirror mailing list di:
http://groups.yahoo.com/group/RantauNet/messages
http://groups.google.com/group/RantauNet?gvc=2
dengan mendaftarkan juga email anda disini dan kedua mirror diatas.
============================================================
