16avels Dis da litteratura: 10 12 da november 2006 Concurrenza Premi Term Bel: Inoltraziun da texts enfin ils 31 d'avust
Ils 16avels Dis da litteratura a Domat han lieu dals 10 als 12 da november. In dals puncts culminants è la concurrenza litterara Premi Term Bel. Texts per la concurrenza èn dinoltrar enfin la fin davust. Quest onn stat la dunna en il center dals Dis da litteratura. Sper discussiuns davart la figura da la dunna en la litteratura vegnan preschentadas a Domat novas publicaziuns or dal mund litterar rumantsch. Mo in dals puncts culminants è franc puspè la concurrenza litterara. Era quest onn pon ins inoltrar texts per la concurrenza litterara Premi Term Bel. Tut ils texts inoltrads vegnan suttamess anonimamain ad ina giuria da tschintg persunas (Gian Beeli, Uorschla Natalia Caprez, Renata Coray, Giovanni Netzer e Clà Riatsch). Quella evaluescha e selecziunescha maximalmain tschintg texts che vegnan prelegids durant ils Dis da litteratura a Domat. Ils texts nominads vegnan translatads per il public en rumantsch grischun. Las auturas ed ils auturs pon dentant era preleger la versiun en lur idiom. Ina segunda giuria discuta en public ils texts ed elegia suenter il text victur. Il premi è dotà cun ina summa da 3000 francs e vegn purtà dal Cumin burgais da Domat. Er quest onn vegn surdà il premi dal public, dotà cun 1000 francs. Quest premi vegn surdà independentamain da la decisiun da la giuria. Texts dad auturas ed auturs da l'annada 1976 e pli giuvnas arrivan quest onn supplementarmain en la selecziun per il project Il Quadern da la Giuventetgna Rumantscha e la Quarta Lingua: in cudesch tudestg rumantsch grischun cun litteratura giuvna da la Rumantschia. Cundiziuns: Ils texts ston esser scrits en rumantsch, en furma da prosa, nunpublitgads e dina lunghezza da maximalmain trais paginas (ca. 9000 segns). Ils texts èn dinoltrar enfin ils 31 davust 2006 a: Silvana Derungs, Hauptstrasse 117, 1715 Alterswil; [EMAIL PROTECTED] -- Giuventetgna Rumantscha Chascha postala 312 7002 Cuira [EMAIL PROTECTED] www.giuru.ch _______________________________________________ Damai che POSTA RUMANTSCHA è ina rait averta per tuts, na ston las opiniuns dals auturs betg correspunder a la posiziun da la GiuRu! Per scriver a tut ils commembers da la glista scriva a: [EMAIL PROTECTED] www.posta.giuru.ch
