Chars abunents da la posta rumantscha! Nossa posta digitala aveva tscherts problems a partir da Nadal. Il venderdi avant inemna è la posta rumantscha dentant morta (per in pèr dis) dal tuttafatg. Nus ans essan engaschads per schliar il problem ed avain communitgà intensivamain cun hostpoint, la firma che porscha il servetsch de-mail. Hostpoint ha declerà il problem suandantamain:
Wir hatten am Freitag um 13:45 einen ungeplanten Failover der geclusterten Speicherlösung auf das zweite, redundante System. Nus na savain betg exact tge che quai munta, avain dentant reanimà la posta cun agid din backup, uschè chella duess puspè funcziunar sco giavischà. Il backup datescha dentant da lentschatta schaner 07. Quai vul dir che midadas (sco novs abunents, annullaziuns da labunament), fatgas suenter questa data, èn svanidas. I po er esser che singuls e-mails èn ids a perder. (En quest cas supplitgain nus da scriver anc ina giada le-mail.) Nus sperain che la posta rumantscha funcziuneschia puspè normal. Nus vegnin dentant era a ponderar lopziun da midar ad in meglier sistem, per evitar tals desasters en lavegnir. Las tschantschas da buccas nauschas che dian chin schurnalist da la Weltwoche haja sabotà la posta rumantscha na pudain nus ni confermar ni dementir... Stgisai ils incaps. Chars salids da la GiuRu. -- Giuventetgna Rumantscha Chascha postala 312 7002 Cuira [EMAIL PROTECTED] www.giuru.ch _______________________________________________ Damai che POSTA RUMANTSCHA è ina rait averta per tuts, na ston las opiniuns dals auturs betg correspunder a la posiziun da la GiuRu! Per scriver a tut ils commembers da la glista scriva a: [email protected] www.posta.giuru.ch
