[cid:[email protected]] Fotografia: Mic Feuerstein
LITTERATURA IN CHASA RUMANTSCHA Als 14 marz 2012, a las 20.00 prelegia Men Steiner our da "Il piz da la corna tschanca", da Jon Demarmels. L'ouvra da l'autur Jon Demarmels vain preschantada da Mevina Puorger in discussiun cun Men Steiner chi fuorma eir il rom musical. "Jon Demarmels: ün scriptur massa pac cuntschaint" nomna Luisa Famos l'autur in ün artichel ch'ella til ha dedichà in algordanza. Jon Demarmels ha scrit poesias chi sun gnüdas per part cuntschaintas in fuorma da chanzuns, cun melodias tanter oter da Peider Champell e chantadas vi da la guitarra da Men Rauch. L'autur ha scrit impustüt prosa. Il raquint "Il piz da la corna tschanca"es exaust daspö decennis ed es gnü rendü darcheu accessibel dal 2011 tras editionmevinapuorger. In üna postfacziun e cun fotografias vegnan situats autur ed ouvra ill'istorgia da la litteratura rumantscha. 14 marz 2012, 20.00 h, Chasa Rumantscha, Cuoira "Il piz da la corna tschanca" es accessibel tras editionmevinapuorger e po gnir cumprà davo l'occurrenza. Mevina Puorger, moderaziun Men Steiner, prelecziun e rom musical Entrada libra, aperitiv editionmevinapuorger www.liarumantscha.ch<http://www.liarumantscha.ch>
<<inline: image001.jpg>>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
