opera viva OBERSAXEN
Dils 28 da fenadur entochen ils 14 d'uost 2012 vegn l'opera Macbeth da Giuseppe Verdi menada si ella tenda da "Das Zelt" a Sursaissa, per l'emprema gada a Misanenga. Cun igl indigen coro opera viva ed igl Orchestra Giuseppe Verdi vegn il menader artistic Gion Gieri Tuor a saver entusiasmar il publicum cun l'opera da Verdi. René Schnoz, igl actur enconuschent da Mustér meina la reschia. La culissa creescha igl artist indigen Rudolf Mirer. Ulteriuras informaziuns davart l'opera e davart l'opera viva OBERSAXEN anfleis Vus sut <http://www.operaviva.ch> www.operaviva.ch. Sin <http://www.operaviva.ch> www.operaviva.ch saveis Vus reservar ils plazs giavischai. Suenter paucs dis vegnis Vus a survegnir ils tickets per posta. Vossa viseta fa plascher. Per arranschaments (tickets cun tscheina ella tenda) fagei aschi bien e contactei il biro d'informaziun da Sursaissa, numera da telefon 081 933 15 16. Nus giavischein a Vus in bi temps e selegrein sin nunemblideivlas inscenaziuns da Macbeth en Surselva. Cordials salids opera viva OBERSAXEN
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
