Allegra La festa “30 onns rumantsch grischun” è ina festa publica. Vegni era! Ed animai tut tgi ch’ha plaschair dal rumantsch grischun da vegnir. Nua e cura: Sonda suentermezdi, ils 20 d’october 2012, davent da las 13.30 uras en l’aula Plessur da la scola chantunala (seminari) a Cuira. Program: Josias Just suna la clarinetta, Sara Hermann e Benedetto Vigne chantan e cabaretteschan e tranteren prendan 30 persunas da l’entira Rumantschia curtamain il pled (maximum duas minutas) per raquintar in’eveniment, in’anecdota ubain uschiglio insatge spiertus en connex cun il rumantsch grischun ch’i dat ussa dapi 30 onns. Tempra: Atmosfera da festa, plaschair, divertiment spiertus e legria ch’i dat il rg gia dapi 30 onns – naginas discussiuns da “pro” e “contra”. Detagls: A las 13.30 datti in magiel prosecco per far viva, a las 14.00 cumenza il program da festa ed a las 17.00 vegn offrì in apero. Tgi ch’ha gust dad ir suenter da cumpagnia a tschaina (sin agen cust) po s’annunziar enfin ils 14 d’october tar l’URG via e-mail: [email protected]. Cordials salids Maria Cadruvi moderatura dal program da festa
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
