En in'emna èn ils Dis da litteratura a Domat!
Dals 2 als 4 da november stat la halla Tircal a Domat sut l'ensaina da
"Fantisar, fabular, raquintar ... e tadlar!". Sper preschentaziuns e
discussiuns davart cudeschs e raquintaziuns as spetgan era suandants puncts
a Domat:
Il venderdi saira fa l'actura Bea von Malchus cun "Bibelfest?!" in teater
tut spezial sur da las istorgias en il pli grond beststeller: la Bibla.
Dapli dal teater sin la pagina www.beavonmalchus.de.
Sonda saira As spetgan raquintadras e raquintaders, p.ex. Göri Klainguti
cun in'istorgia da chatscha, Letizia Sonder cun ina paraula, Gion Mathias
Cavelty cun in'istorgia da sgarschur, ed anc bler auter.
Quest onn ha era lieu la concurrenza litterara dal Premi Term Bel cun texts
novissims la sonda suentermezdi.
Per dapli infurmaziuns davart prelecziuns e discussiuns guardai il program
sin www.litteraturarumantscha.ch. Ed anc meglier: guardai dad esser a
partir da venderdi, ils 2 da november a las 19.30 en la halla Tircal a
Domat!
Nus ans legrain da passentar cun vus trais dis plain cudeschs e baterladas
il comité d'organisaziun dals Dis da litteratura
--
www.litteraturarumantscha.ch
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
