[cid:[email protected]] The Swiss Avengers avant la Chasa Rumantscha a Cuira
Oz: 75 onns rumantsch sco lingua naziunala Avant 75 onns è il rumantsch daventà lingua naziunala. Ils 20 da favrer 1938 han il pievel ed ils chantuns reconuschì il rumantsch sco quarta lingua naziunala. L'approvaziun impressiunanta da 92% è vegnida surpassada mo duas giadas en l'entira istorgia da la Confederaziun. Per il giubileum da 75 onns rumantsch sco lingua naziunala publitgescha la Lia Rumantscha in text litterar ed ina chanzun. Omadus tematiseschan il rumantsch - e quai en tut las quatter linguas naziunalas. L'intent da l'acziun è da dir grazia fitg a l'entira Svizra per il sustegn ch'il rumantsch giauda. Il scriptur e satiricher Gion Mathias Cavelty ha survegnì da la Lia Rumantscha ina carte blanche e scriva da nov l'istorgia dal rumantsch e dals Rumantschs. Legiai sez sin www.liarumantscha.ch<http://www.liarumantscha.ch> La nova band The Swiss Avengers cun Negatif, Sisma, PDDP, Gimma e DJ Idem è l'emprima band che consista da rappers da tut las regiuns linguisticas da la Svizra. Exclusivamain per il giubileum da 75 onns vegn publitgada la chanzun ed il videoclip «Believe» en tut las quatter linguas naziunalas. Qua chattais Vus il link per telechargiar gratuitamain la chanzun. www.liarumantscha.ch<http://www.liarumantscha.ch> Lia Rumantscha
<<inline: image001.jpg>>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
