Invid a la premiera dal film per amur da l‘avieul
Il film documentari per amur da l‘avieul nun es ün ulteriur film sur da la muria d‘aviöls globala. Flurina Badel focussescha ün‘otra realità precis uschè existenta: il minchadi d‘apiculturs pitschens. Adonta cha eir lur aviöls han adöss la varroa e sun imnatschads da malatias, chüran quistas apiculturas e quists apiculturs lur aviöls cun perseveranza e na our d‘interess commercial, ma our d‘idealissem. Per quist film es Flurina Badel viagiada in Engiadina ed a New York perquai cha in muntogna tils daja amo, ils apiculturs furtünats ed illa metropola daja aviöls furtünats. La premiera dal film es in marcurdi ils 10. d‘avrigl a las 19.00 aint illa Seletta da Zuoz. Cun bivgnaint da Gian Ramming, schefredactur RTR. Ils protagonists Balti Willy e Claudia Thom e la redschissura Flurina Badel s‘allegran da far viva cun Vo! In dumengia ils 14. d‘avrigl vegn il film muossà a las 15.00 aint illa chasa da scoula da Guarda. Eir davo quista rapreschantaziun daja la pussibilità da discutter cun Flurina Badel sur dal film ed il tema. Daplü davart il film daja quia: http://www.farfarproject.ch/projekte/avieul Cun cordials salüds da Flurina Badel
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
