Allegra a tuts chantauturs e chantauturas rumantschas Gust dad ina pitschna aventura musicala cun grond effect?
L'Uniun per la litteratura rumantscha (ULR) ed RTR envidan ensemen ad ina fin d’emna creativa, deditgada a la chanzun rumantscha. L'entir sa splega sut il chavazzin «Lavuratori: scriver texts da chanzuns» e duai avair sco finamira finala in bel Top Pop cuminaivel. Il lavuratori ha lieu en il studio Aquarium a Turitg la fin d'emna dals 17 - 18 d'avust 2013 e vegn manà da Benedetto Vigne e Manfred Zazzi. Sco emprima part teoretica dus referats en chaussa (Ritschi dals «Plüsch»: il chantautur en tschertga dad in tema; Benedetto Vigne: aspects e scarpetschs en la lavur da textar.) Sco segunda part: la lavur concreta. Nus scrivain parts da texts per ina melodia gia pronta e chantain lura gist il resultat sin in playback gia preproducì. (Il sboz da la chanzun vegn tramess gia ordavant a participants e participantas.) Custs: 30.- francs (per commembers da la ULR gratuit). (Betg inclus èn qua spesas da viadi e pernottaziun). Dumber optimal da participant(a)s è 8-10 persunas, plus minus. Selecziun tenor la retscha d'annunzias. Annunzias p.pl. fin ils 30 da zercladur 2013, a [email protected]. Cordialmain Benedetto Vigne www.litteraturarumantscha.ch, www.rtr.ch _______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
