Tgau ensemen, Sco emprem in bien niev onn a tuts!
Bein enqual gadas han las canzuns popularas buca plaz el program ordinari dils singuls chors. Per promover la canzun populara e da cumpignia organisescha il District da cant Surselva in camp da cant public.
Ils resuns positivs han intimau nus da cuntinuar, quella gada havein denton tscharniu litteratura per chor mischedau.
Sut legida da different(a)s dirigent(a)s eis ei previu dexercitar canzuns popularas per silsuenter cantar quellas en quater vuschs. Suenter il camp dat ei la pusseivladad da star vinavon da buna cumpignia e cantar ina u l autra canzun.
Per umens e dunnas che han aunc mai cantau en in chor ei quei ina buna pusseivladad per far in pign fuffergnadi da cantar.
Il camp ha liug sonda, ils 11 da schaner 2014 naven dallas 14.00 entochen las 18.00 uras ella scola a Sevgein.
Ord motivs organisatorics supplichein da s annunziar entochen ils 10 da schaner 2014 sin [email protected] ni 076 438 08 07.
cun salids amicabels District da cant Surselva _______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
