>preziadAs amitgAs da la musica
>qua in’ivetta musicala indigena!
>Nus ans legrassan da vossa visita!
>Corin Curschellas cun cumpogns e cumpognas
>
>sonda 5 avrigl 2014 a las 20.15:
>CORIN CURSCHELLAS
>& PFLANZPLÄTZ
>& ANDI GABRIEL
>& ASTRID ALEXANDRE
>& URSINA GIGER
>
>Entrada: CHF 15.- (enfin 18 onns) / CHF 25.- (creschids)
>
>
>CINEMA SIL PLAZ
>Via Centrala 2
>7130 Glion
>prevendita: [email protected]
>cassa da saira a partir da 19:00
>infos: www.cinemasilplaz.ch
>
>
>Corin Curschellas, la “grande dame” da la chanzun rumantscha, ha creà il
>program da concert ORIGINS cun l’ensemble Pflanzplätz e cun il violinist Andy
>Gabriel. Da la partida èn era las chantaduras Astrid Alexandre ed Ursina Giger!
>ORIGINS (trad.) exprima in grond interess per la tradiziun da la chanzun
>rumantscha - ina tradiziun transmessa oralmain da generaziun en generaziun.
>Ils temas tractads en questas chanzuns popularas èn multifars e reveleschan
>l’entir caleidoscop dals destins da noss babuns. Malgrà quai restan las
>tematicas actualas e cosmopoliticas: nus inscuntrain il laschar encrescher ed
>il “mal da cor” gest sco en il Fado portugais, ils moritats e las balladas
>pudessan ans vegnir da l’Irlanda celtica, plinavant cuntegn il stgazi da
>chanzuns rumantschas era “Work Songs” davart mintgadi e natira ed era il
>“blues” che raquinta da la paupradad na manca betg. Il tango è bain maister
>dal raquint da l’amur, la passiun e la voluptad – dentant era questas emoziuns
>èn da chattar en la chanzun populara rumantscha.
>Quests numnaders communabels fan ch’in public fitg divers po sa sentir “da
>chasa” en questas chanzuns! Il factur che las renda dentant anc pli unicas e
>misteriusas: il Rumantsch.
>Questa “musica veglia” nova è fascinanta, ella tschiffa ed electrisescha ed è
>en il medem mument tradiziunala ed actuala. E sco ils cumpogns da la Svizra
>tudestga schessan: “...und s’fägt!”
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
