Sin l'entschatta dalla stagiun da stad prelegia Ludivina Candinas-Collenberg ord siu cudisch «Gloria e tschugalata - In’affonza a Lumbrein. Eine Kindheit in Lumbrein» el Museum Regiunal Surselva a Glion. Sias regurdientschas autobiograficas meinan anavos el vitg da Lumbrein dils onns 1950. Las historias da Candinas, legidas per tudestg da Peter Egloff, illustreschan excellent ils maletgs dall’exposiziun «Bergleben – Viver muntogna» ch’il Museum Regiunal Surselva muossa da present.
Prelecziun romontsch/tudestg cun l’autura Ludivina Candinas-Collenberg e Peter Egloff. Mesjamna, ils 18 da zercladur 2014, 20.00 uras el Museum Regiunal Surselva a Glion. Entrada CHF 7.-- / 3.--, aperitiv sin l’entschatta dalla stagiun da stad. www.museumregiunal.ch <http://www.museumregiunal.ch>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
