Mesjamna, ils 18 da zercladur 2014 dallas 20.00 uras prelegia Ludivina Candinas-Collenberg ord siu cudisch «Gloria e tschugalata. In’affonza a Lumbrein. Eine Kindheit in Lumbrein» el Museum Regiunal Surselva a Glion. Sias regurdientschas autobiograficas meinan anavos el vitg da Lumbrein dils onns 1950.
«Il pli bi eri cu bab figeva la dumengia tualetta. El targeva si il cunti da far la barba vid il zentirol e lavava ils dents cun Odol, quel era adina sur il boiler en e mo el astgava duvrar. Bab era in bi um. Cu nus vevan natalezi eri è bi, nus survegnevan ina tschugalata ed era da parter sin tuts e negin astgeva sevilar sin ins quei gi». Prelecziun romontsch/tudestg cun l’autura Ludivina Candinas-Collenberg e Peter Egloff. Entrada CHF 7.-- / 3.--, aperitiv sin l’entschatta dalla stagiun da stad. www.museumregiunal.ch <http://www.museumregiunal.ch>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
