[cid:[email protected]]
Invit a «Pled per pled - pass per pass», sonda ils 13 da settember 2014 Lavuratoris, culinarica e bal a Savognin, Hotel Piz Mitgel e Sala Grava Ils 13 da settember 2014 vegn debattà e festivà a Savognin: la Lia Rumantscha envida a «Pled per pled - pass per pass». Sper il saut, il divertiment e la culinarica stattan lavuratoris davart temas actuals en il center. L'occurrenza cumenza gia l'avantmezdi cun ils lavuratoris en l'Hotel Piz Mitgel e va vinavant cun la tschaina litterara a las 17.00 en la Sala Grava (lavuratoris: cumplets, tschaina litterara: davos plazs). Bal en la Sala Grava A las 21.00 vegn sautà a chaschun dal bal en la Sala Grava. La combo da musica mundiala Quintinò procura per la musica. Ses repertori cun ragischs en la musica populara europeica tanscha da klezmer fin a jazz e swing. Plinavant sunan ils giasts spezials Pius Baumgartner (saxofon e clarinetta), Josias Just (clarinetta), Andreas Gabriel (gìa) e Madlaina Janett (viola). Cun lur musica raquintan els l'istorgia da la musica populara. La già che giugava pli baud ina rolla impurtanta en la musica populara grischuna è sparida da las furmaziuns, dapi che l'accordeon, il clavazin, l'armonium ed auters instruments da tastas èn vegnids en moda. Co ha quest svilup influenzà la musica populara? A questa dumonda van las musicantas ed ils musicants a fund. Tras la saira maina la moderatura da RTR Chatrina Josty. Per la bar e la restauraziun dals giasts è responsabla la Giuventetna Savognin. Entrada: 20.- Lia Rumantscha Via da la Plessur 47 7000 Cuira www.liarumantscha.ch<http://www.liarumantscha.ch>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
