Dals 5 - 7 da mars envida la retscha da concerts «Musiksalon» gia per la tschintgavla giada a concerts en stivas (pli u main) privatas. Quest onn dat la Lia Rumantsch albiert ad in dals concerts:
Gievgia, ils 5 da mars 2015, a las 20.00 en Chasa Rumantscha (en l'aula sin l'emprim plaun), Via da la Plessur 47 a Cuira Sin il program «Sendas, Wegli y Caminos» dal duo novfundà che sa cumpona da la chantadura Christina Riesch e dal ghitarrist Andi Schnoz stattan chanzuns e melodias che tractan ragischs persunalas, sigliots e sfunsadas en il curs da la vita. Els preschentan chanzuns rumantschas, tudestgas e spagnolas. Silsuenter: apero Reservaziuns per e-mail a (Martina Mutzner): [email protected]<mailto:[email protected]> CHF 22.-/17.- reducì | Uffants enfin 12 onns: gratuit | Carta cumbinada per 3 concerts: CHF 60.-/46.- reducì | Cassa da la saira: mes'ura avant il concert. Sutvart indicaziuns davart ils ulteriurs dus concerts. Cordial invit Lia Rumantscha -- Venderdi, ils 6 da mars (a las 20.00) envida Andi Schnoz sez en sia stiva agreabla a la Montalinstrasse 2 a Cuira. Il singer/songwriter BAUM preschenta ensemen cun Giacun Schmid «Songs wie Bilder an der Wand» da ses nov album «penpapercoffee». Il terz concert ha lieu sonda, ils 7 da mars (a las 20.30) tar ils veterans dal «Musiksalon» Mary ed Andrea Engi (Zedernweg 1 a Cuira). En lur stiva suna la pianista Vera Kappeler ses nov recital solo «Grossmutters Flügel». En il program - cun il qual Kappeler ha gudagnà il 2014 la contribuziun ad in'ovra per la lavur culturala professiunala dal chantun Grischun - s'occupa la pianista cun melodias e cuntegns simpels da chanzuns popularas che vegnan cumplettadas cun improvisaziuns libras, elements da la musica populara ed atgnas cumposiziuns. [cid:[email protected]]
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
