*Per amur da la diversitad: *
*GIE, SCHI, HAI, EA e GEA a la midada da la lescha da radio e televisiun!*
Ch'i dat insumma radio e televisiun en lingua rumantscha, quai
engraziain nus a la SRG SSR. Economicamain rentabla n'è ina purschida
per ina lingua minoritara sco il rumantsch numnadamain insumma betg. Mo
la clav da repartiziun solidarica entaifer la SRG SSR pussibilitescha in
program adequat per rumantsch e promova uschia la diversitad linguistica
en Svizra. Quai è enconuschent e tuttina da muntada enorma - spezialmain
per noss chantun triling.
Cun divers instruments da promoziun (Pacte de l'audiovisuel, Succès
passage antenne) sustegna la SRG SSR mintga onn numerus films
independents – era en lingua rumantscha. Uschia pon films far punts
tranter las regiuns linguisticas en Svizra.
Ils 14 da zercladur avain nus la pussaivladad da segirar la finanziaziun
da la SRG SSR a lunga vista cun in sistem effizient e gist!
Noss sustegn da la lescha mussain nus en nossa moda e maniera: cun in
filmin. Da vesair sin:
https://www.facebook.com/Cineasts?ref=bookmarks
Gie, schi, hai, ea e gea a la LRTV ils 14 da zercladur!
//
Ivo Zen, Susanna Fanzun, Menga Huonder, suprastanza Cineasts
independents rumantschs CIR
www.cineasts.ch <http://www.cineasts.ch/>.
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
