[cid:[email protected]] cliCHés - ina seria umoristica davart ils pregiudizis ch'ils Svizzers han in envers l'auter Quels da la Svizra taliana han l'impressiun ch'ils Tütsch-Svizzers mangian mal, il Grischun è per els ina regiun da multas e da subvenziuns, e sa chapescha ch'ils Romands baivan gia la damaun baud il "ballon de vin". Ed ils Tessinais na lavuran uschè u uschia quasi mai. Constattan quels clichés? Cuntegnani in zic vardad? U èni mo pregiudizis? Quatter cabarettists svizzers - in da mintga regiun linguistica - èn ids en las autras regiuns per cumprovar u controllar in clisché ch'ina regiun ha envers l'autra. Divertent, mintgatant surprendent, ma mai cun nauscha intenziun. Interessant èsi da vesair co ch'ils clischés sa verifitgeschan ubain restan clischés cun pauc fundament.
cliCHés, a partir d'immediat sin http://www.rtr.ch/emissiuns/cliches-rtr. [cid:[email protected]] SThopp Suisse Che chantar la chanzun dal bös-ch rumantsch na saja betg simpel per ina persuna da lieunga na-rumantscha avess ins pudì supponer. Ma san ils na-Rumantschs almain circa quants Rumantschs ch'i dat? 1600? 2 milliuns? Ed enconuschan els "noss stars" Renzo Blumenthal u Dario Cologna? E co è quai en las autras regiuns linguisticas da la Svizra? Nus avain fatg l'emprova ed avain construì novs cunfins. Cunfins tranter duas regiuns linguisticas. Per la Svizra rumantscha ha l'actura Sara Francesca Hermann giugà la rolla da la guardia da cunfin. Ella è sa postada sin il Pass dal Lucmagn per controllar quels che vegnan si dal Tessin - ed a Selfranga per guardar sch'ils Tütsch-Svizzers san almain duas u trais pleds rumantschs. SThopp Suisse, a partir dals 17 da matg sin www.rtr.ch<http://www.rtr.ch>.
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
