[posta-rumantscha] vernissascha dil cudisch "Ei catscha dis"

[Hans Fäh]

Vernissascha dil cudisch da poesias «Ei catscha dis / Der Tag bricht an»
d’Arnold Spescha

 

Venderdis, ils 24 da zercladur 2016, dallas 20.00 h, envida la Surselva
Romontscha en l’aula dalla casa da scola da Glion alla vernissascha dil
cudisch da poesias «Ei catscha dis / Der Tag bricht an» d’Arnold Spescha. 

 

Dus temas han adina puspei accumpignau e fatschentau Arnold Spescha: l’aura
e la musica. La musica ei daventada il motiv empalont en siu cudisch da
poesias «Ei dat ils muments da pass lev / Zeiten leichtfüssigen Schritts»
ch’ei cumparius igl onn 2007. L’aura ei il motiv dominont en sias poesias
«Ei catscha dis / Der Tag bricht an». Savens ein ils fenomens meteorologics
in punct da partenza per arrivar tiel carstgaun. Aschia daventan las poesias
in viadi tras la veta digl autur e quella da biars auters carstgauns.  

 

Las poesias ein vegnidas translatadas en tudestg da Hans Fäh e digl autur.
La romanista Silvana Derungs vegn a moderar la prelecziun. Embellida vegn la
sera musicalmein dalla cantautura Ursina Giger.

Surselva Romontscha: Vitus Gartmann, President.

 

Cordials salids,

Arnold Spescha

Hans Fäh

 

Einladungskarte.pdf
Description: Adobe PDF document

_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch