Il program accumpignont dall'exposiziun *passadis - über alle Berge* va vinavon
Sonda, ils 6 d'uost allas 17.00 vegn Sumvitg *sin viseta* en Casa d'Angel: Leo Tuor e Lisetta Cathomas produceschan per nus schatgs dalla Greina, Leo cun preleger e raquintar historias, Lisetta cun cuschinar. Ins astga selegrar sin delicatessas per las ureglias, il nas ed il tschiel dalla bucca.
Sonda, ils 13 d'uost allas 17.00 vegn Val S. Pieder *sin viseta* en Casa d'Angel: Claudia Vieli Oertle ha perscrutau la historia da siu urena, il davos saumadur da Val. Sco accumpignament musical vegn il giuven musicist Robin Mittner a delictar. Naturalmein dat ei caffé e turta spagnola da Val.
Gliendisdis, ils 15 d'uost allas 14.00: *Guid dil vitg* *romontsch a Vella*. Ils guids da mira!cultura meinan mintga jamna turists atras ils vitgs dalla Surselva. Mo tgi essan nus e tgei vegn raquentau? Neu a tedlar il guid romontsch a Vella, che vegn offerius dalla Fundaziun da cultura Lumnezia.
Cun cordials salids dalla Lumnezia -- CULTURA EN LUMNEZIA Fundaziun da cultura Lumnezia Casa d'Angel Dado Baselgia 116 7148 Lumbrein +41 (0)81 936 80 55 passadis - über alle Berge 02.07.2016 - 29.10.2016 Casa d'Angel, Lumbrein gliendisdis, mardis, sonda 14.00-17.00 mesjamna 17.00-19.00 4 dumengias (10.07./14.08./11.09./09.10.) 14.00-17.00 sin viseta - program accumpignont 09.07. Sursaissa sin viseta 06.08. Sumvitg sin viseta 13.08. Val s. Pieder sin viseta 27.08. Survesta: Vias alpinas reticas - presentaziun da cudisch 11.09. Valrein sin viseta 24.09. Val Blegn sin viseta 22.10. Stussavgia sin viseta Dapli info sin www.culturalumnezia.ch Vuleis era survegnir nies fegliet da novitads? Möchten Sie auch unser Newsletter erhalten? Anmelden unter [email protected]
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
