Buna saira preziads abunents da la posta rumantscha, Spontanitad, creativitad ed in bun dun receptiv – e quai en abundanza – han duvrà las passa sessanta scolaras ed ils scolars ch'èn sa participads al project "Gieu radiofonic en viadi" da la radioscola klipp+klang. Tschintg classas da scola da tut las regiuns idiomaticas da la Svizra rumantscha han sviluppà communablamain in gieu radiofonic en tschintg parts. Ellas han lavurà communablamain vi da l'istorgia, han perfecziunà ils scripts, rimnà material da tun per lur sequenza dal gieu radiofonic, exercità ils dialogs e registrà lur part da l'istorgia en in studio da tun installà al lieu. Il resultat èn tschintg episodas variadas, interessantas e creativas ch'èn vegnidas publitgadas sin in DC. Ultra dal DC han ins sviluppà cun sustegn da la Lia Rumantscha in med da leger e d'instrucziun che cuntegna tut las episodas originalas incl. ina translaziun en tudestg. Il gieu radiofonic dat in'invista en ils idioms rumantschs sco quai ch'els vegnan discurrids actualmain e po vegnir integrà a moda ideala en l'instrucziun da lingua. Il carnet cuntegna ideas per l'instrucziun ed il DC dal gieu radiofonic.
Il med da leger e d'instrucziun pon ins retrair da la chasa editura da la radioscola klipp+klang (http://www.klippklang.ch/de/Verlag/39) u en la butia online da la Lia Rumantscha (http://www.liarumantscha.ch/# type-product=l%27autra_zona%21_id4772). Cordialmain Marc Rambold Manader da project -- Radioscola klipp+klang Schöneggstrasse 5 - 8004 Turich +41 44 242 00 31 <+41%2044%20242%2000%2031> / +41 78 835 29 68 <+41%2078%20835%2029%2068> [email protected] klippklang.ch
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
