Buna sera
Bugen annunziein nus
In termin mo per LumnezianAs:*
*
*Purtar crappa
Datum: Sonda e dumengia, ils 3 e 4 da zercladur, 2017*
*Uras: 14.00-17.00*
*Liug: Casa d'Angel
*Il curatur H.R. Fricker dumanda mintga Lumneziana e mintga Lumnezian sco era
tuts da Val S. Pieder dad empristar a nus in crap per l’exposiziun en Casa
d’Angel. Biala crappa cumina che vus haveis sez anflau e purtau a casa – e ch’ei
forsa colligiada cun in schabetg, cun ina historia.Vies crap vegn registraus e
fotografaus ed exponius duront la sessiun da stad. Sco engraziament survegn
mintga empristader ina biala documentaziun dall’exposiziun. Termin da retratga
ei ils 21 d’october 2017.**
E dus termins per tuts cun interess pil romontsch e la cuntrada culturala dalla
Lumnezia:*
*
*Café romontsch – emprender romontsch viandond
Datum: Mardis, ils 14 da zercladur 2017*
*Uras: 19.30*
*Liug: Fermada da posta, Vella****
*Café romontsch va a pei e nus paterlein da quei che nus vesin sin via.
El café romontsch sentaupan emprendiders cun padrins e madretschas per exercitar
da tschintschar romontsch. Tgi sa far padrin/madretscha? Mintgin che sa il
romontsch da mintgadi - lungatg mumma ei buca necessari, mo tschaffen e pazienzia.
Damondas, annunzias ni organisaziun da transport: Via email sin
[email protected] ni sin tel. 081 936 80 55
Il café romontsch en Lumnezia vegn purschiu en collaboraziun cun la Lia
Rumantscha.**
*La crappa magica – guid da viandar
Datum: Sonda, ils 17 da zercladur, 2017*
*Uras: 14.00*
*Liug: Fermada da posta, Degen vitg
Referent: Nicolaus Caduff / Guids da cultura Lumnezia*****
****Naven da Degen vitg semettin nus sin viadi enviers Genastga, nua il Crap da
malé ed il Crap da morts ein colligiai cun biaras detgas e historias d’antruras.
La tura meina nus toschen Surcasti. Il tempo da viandar ei emperneivels, la
senda empau teisa, buns calzers aults ein impurtonts. Nus offerin ina marenda da
paunins e bubrondas ed organisein in minibus Vella-Degen e Surcasti-Vella-Degen
cun colligiaziun cugl auto da posta a Vella. Il guid ha liug en romontsch.
Annunzias beinvegnidas entochen in di avon.
cun salids dalla Lumnezia
--
CULTURA EN LUMNEZIA
Fundaziun da cultura Lumnezia
Casa d'Angel
Dado Baselgia 116
7148 Lumbrein
+41 (0)81 936 80 55
Vuleis era survegnir nies fegliet da novitads?
Möchten Sie auch unser Newsletter erhalten?
Anmelden unter
[email protected]
Nova exposiziun:
crappa | Steine
Curatur: H.R.Fricker
1.7.-21.10.2017
Casa d'Angel
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
