Verein Naturkultur Oberdorfstrasse 16 4514 Lommiswil [email protected] +41 76 338 93 51 ‘Building Walls – Breaking Walls’ Baghegiar mirs per rumper els: Giuventetgna dad Israel, Palästina, Irlandia e dalla Svizra baghegia mirs en Svizra Ils 20 – 28 d’uost: la proxima jamna interculturala da baghegiar mirs el cantun Giura 16 giuvens e giuvnas dall’Irlandia, Svizra, Israel e Palästina s’entaupan ad Obergrenchenberg e renoveschan mirs schetgs cun agid professiunal dall’organisaziun ‘Nakultur’. Quell’activitad ha igl intent da s’entupar e crear punts denter glieud da differentas religiuns e culturas. Ord la renovaziun dils mirs crescha in simbol d’interculturalitad. En mintgina da quellas tiaras dat ei conflicts denter culturas ni religiuns, u veseivelas ni buc. Ell’jamna da « building walls – breaking walls » emprova la giuventetgna dad eliminar quels conflicts. Duront il temps communabel astgan ils giuvens separticipar a differentas activitads, sco per exempel far part a discussiuns ni presentaziuns. Naturalmein dat ei era in brat da musica, da magliar e da sault. La giuventetgna empren dil mintga di, dalla cultura e dalla perspectiva dad autras culturas e religiuns. Aschia empren ella da respectar las differentas culturas. Gia dapi igl onn 2015 dat ei il project « building walls – breaking walls ». Quel vegn organisaus u en Svizra, Irlandia ni egl Israel. La giuventetgna dalla Svizra (18 entochen 25 onns) sa era s’annunziar per ina da quellas jamnas. La proxima jamna: Ils 20 – 28 d’ uost 2017: Obergrenchenberg, Svizra Dapli informaziuns anfleis sut quella pagina: http://nakultur.ch/en/building-walls-breaking-walls-switzerland-2017/
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
