INVID a cuors e referats
Cuors generals, 24.10.2017 12.12.2017 (8 jadas mincha mardi) Cuors per pauras e paurs, 24.10.2017, 27.10.2017 e 22.01.2018 Annunzcha fin venderdi, 8 settember 2017 pro: Duonna Annapatrizia Richert-Claglüna Bos-cha 220C 7545 Guarda Stimada dama, stimà signuor Sün incumbenza da la suprastanza da la Società Lö dinscunter Chasa Fliana Lavin, organisescha il comitè eir quist on ils cuors, cumbinà cun referats. Il program dals cuors generals cumainza als 24 october 2017 e düra fin als 12 december 2017, mincha mardi da las 9:15 h fin a las 16:30 h. Lavantmezdi es reservà per referats e discussiuns sur da temas actuals. Davomezdi han lö divers cuors in gruppas (vair survista dals cuors). Las occurenzas davantmezdi sun publicas ed han lö per regla illa sala polivalenta a Lavin. La taxa dentrada per na partecipantas e partecipants als cuors importa CHF 10.- pro refereat. Ils cuors per pauras e paurs düran minchün be ün, o be ün mez di. Duonnas ed homens chi han interess vi da nos programs, pon sannunzchar fin il plü tard als 8 settember 2017. Mincha interessenta resp. interessent dals cuors generals dess tscherner eir ün cuors da reserva e remarchar tal sül talun dannunzcha suot remarchas. Quellas e quels chi sannunzchan sco prüms pon per regla as partecipar a quels cuors chi tils interessa in prüma lingia. Id es pussibel, cha cuors cun sten pacas annunzchas nu pon gnir manats tras. Il predsch pauschal pels cuors generals importa CHF 220.-. Pro distanzas plü lungas surpiglia nossa società üna part dals cuosts da viadi. Minchüna o michün cumpra pero svess ils bigliets. La schoppa da mezdi es per commembras e commembers da nossa società gratuitta. Ils cuosts pels cuors per pauras e paurs importan CHF 30.- al di, opür CHF 20.- per ün mez di. Ils viadis da tals cuors van a charg da las partecipantas e dals partecipants. Davo chi sun entradas las annunzchas, vegnan dat cuntschaint ils programs detagliats e tramiss ils quints correspundents, ils quals sun da pajar infra 30 dis. Cordials salüds La suprastanza Lö d'inscunter Chasa Fliana Lavin Crastuoglia Sura 707 7550 Scuol Tel. 081 864 08 89 <mailto:[email protected]> [email protected] <http://www.chasafliana.ch/> www.chasafliana.ch
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
