"En posiziun! Pront! Dai!" - La pagina als Dis da litteratura 2017! Gizzai vossa plimas, stgaudai la vusch: ils 27avel Gieus da litteratura dals 3 fin ils 5 da november 2017 revitaliseschan “La pagina”, la prelecziun per in e scadina!
Quest onn stattan ils Dis da litteratura sut il motto "gieu da litteratura": la litteratura duai esser in act collectiv, nua ch'il barat immediat tranter autura, lectur ed auditura daventa la regla numer 1. “La pagina” n'è nagina concurrenza da scriver, La pagina è ina plattafurma per scriver e preleger texts litterars. Mintgin dastga empruvar qua sia fortuna, ed i na dat nagina giuria, nagin premi e nagina discussiun. Las cundiziuns per far part èn: in text rumantsch scrit sez e nunpublitgà da max. ina pagina A4 en furma d'in dialog a la SMS u whatsapp che cuntegna la frasa "En posiziun! Pront! Dai!" Il text sto vegnir inoltrà fin ils 03-11-2017 a las 15:00 per mail: [email protected]. La prelecziun è la sonda, ils 4-11-2017 a las 15:00 en il foyer. Mintga auturA survegn in’entrada gratuita per la sonda. Nus ans legrain sin voss texts il comité d’organisaziun Dapli dals Dis da litteratura www.disdalitteratura.ch https://www.facebook.com/DisDaLitteratura/
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
