*Guid per affons*
Dominic e siu tat Simon han purtau craps per l'exposiziun "crappa | Steine" en
Casa d'Angel. Ussa fan els in guid per romontsch per gronds e pigns. Els muossan
lur craps e resdan historias da crappa ch'ein bunamein veras.
*Gliendisdis, ils 16 d'october allas 14.30* en Casa d'Angel. Entrada gratuita
cun collecta.
Dil reminent: Nus duvrein igl agid dils affons per segirar la crappa encunter il
meisterlader Luziet, che ha emblidau ses plans d'enguladetsch en Casa d'Angel!
*Quei ei miu crap*
Il plaid "crap" seigi in dils pli vegls plaids romontschs. Proverbis, finessas
linguisticas ed ina ni l'autra historia da crappa direct ord il fundus dil DRG
vegnan raquintai quella sera.
Per buca unfisar la crappa cantein nus entginas canzuns da cuminonza cun sustegn
viril.
Referat cun Silvana Derungs, redactura DRG.
*Mesjamna, ils 18 d'october allas 19.30* en Casa d'Angel. Entrada gratuita cun
collecta.
Nus selegrein sin vossa viseta
--
CULTURA EN LUMNEZIA
Fundaziun da cultura Lumnezia
Casa d'Angel
Dado Baselgia 116
7148 Lumbrein
+41 (0)81 936 80 55
Vuleis era survegnir nies fegliet da novitads?
Möchten Sie auch unser Newsletter erhalten?
Anmelden unter
[email protected]
Exposiziun actuala:
crappa | Steine
Curatur: H.R.Fricker
1.7.-21.10.2017
Casa d'Angel
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
