Preziadas, preziads Jau vegn dumandada mintgatant da singulas persunas: "Cura fas puspè ina giada ina gruppa da 'lavur da biografia'?" Mia resposta: "Cura ch'jau hai quatter enfin tschintg persunas interessadas!" "Lura fa in scriver via posta rumantscha!", m'ha ina dunna ditg l'emna passada. Voilà!
Premissas per la "lavur da biografia" sco quai ch'jau la offresch: - avair la motivaziun e l'interess da s'occupar cun l'atgna via da la vita - avair almain in tschert gust da metter patratgs, eveniments e reflexiuns en scrit, structurà en 9 chapitels - avair l'avertadad en ina gruppa pitschna da 5 enfin 6 persunas da preleger, tadlar tge che auters legian e da discutar da cuminanza. I dat en tut 10 inscunters (ca. in al mais) da 4 uras. Lieu, termins e pretsch tenor cunvegnientscha. Bun da savair: L'accumpagnament ch'jau offresch en questa "lavur da biografia" n'è betg in curs d'emprender da scriver. I na va er betg per far critica litterara. I va per sa confruntar ed acceptar l'atgna via da la vita, ina via ch'è unica tar mintga carstgaun. Ed i va per tadlar co auters èn sin lur via da la vita. Interess? Dapli infurmaziuns datti per rumantsch u tudestg sin mia pagina en la rait: http://www.impulseria.ch/autobiografie-arbeit.html Dumondas? Maria Cadruvi 7154 Ruschein 081 252 16 34 _______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
