*GiuRu: Radunanza generala e concert, sonda ils 28-4-2018* Preziads abunents da la posta rumantscha,
sonda saira, ils 28 d’avrigl 2018 envida la suprastanza a la 27avla radunanza generala da la Giuventetgna Rumantscha (GiuRu) a Cuira. La radunanza cumenza a las 18:00 a Cuira en nos local: Nus envidein tei cordialmein alla 27avla radunonza generala dalla GiuRu. Quella ha liug sonda sera, ils 28 d’avrel 2018 puspei a Cuera en nies local. Sil program stat sper la part ufficiala era ina pintga festivitad sco gia igl onn vargau. Il local dalla GiuRu sesanfla al Hohenbühlweg 4, gest davos l'ustria Zollhaus, sur la punt tier la Porta sura/Malteser da Cuera. Parcar san ins egl Arcas. Nus sentupein sonda direct el local cumpartgiu cul giuven teater grischun (JTG). Nus preparein in flot apero cun dabeiber e damagliar. Suenter la radunonza, vul gir aschia allas 20:00 entscheiva il concert da Fiona Cavegn che ha era liug el local dalla GiuRu. Ei fagess a nus grond plascher da puder beneventar aschi biars commembers a nossa radunanza sco aunc mai. Las tractandas dalla radunonza generala secumponan sco suonda: 1. Beinvegni 2. Elecziun d’in dumbravuschs 3. Approvaziun da la gliesta da tractandas 4. Protocol da la RG 2017 (Il protocol vegn buca prelegius. Ti poss telecargar quel direct sut: www.giuru.ch/#telechargiar 5. Rapport annual 2017 6. Rendaquen 2017 e preventiv 2018 7. Elecziuns e reelecziuns (vice-president, actuara, assessur) 8. Plans e projects 2018 9. Restructuraziun dalla GiuRu e revisiun dallas statutas da 1991 10. Discussiun e varia Ils commembers dalla GiuRu ein era el futur buc obligai da pagar ina *contribuziun annuala*, sulet ina d'entrada ell'altezia da 20.- francs. Nus selegrein denton adina da sustegns supplementars e selegrein simintgacass da seveser giu Cuera. Cordial'invitaziun Uolf Candrian -- President da la GiuRu Giuventetgna Rumantscha Hohenbühlweg 4 7000 Cuira www.giuru.ch [email protected]
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
