Curs da didgeridoo per principiantAs e concert cun Dubravko Lapaine Ils 19 da mai 2018 han lieu en la Chasa Rumantscha a Cuira in curs ed in concert da didgeridoo. Dubravko Lapaine, scolast da didgeridoo, cumponist e constructur dad instruments oriund da Zagreb, avra cun ses „Air-Code-Style“ in mund sonor ch’ins conuscha anc betg da quest instrument arcaic. Il didgeridoo - ina giada sco instrument percussiv empè d’accumpagnament meditativ.
Concert Il didgeridoo vegn collià cun bleras chaussas, cun la musica e cultura dals Aborigins australians, cun meditaziun e schizunt guariziun. Lapaine suna cunzunt en il stil „Air-Code“, che è quasi la musica nova dal didgeridoo. Quest stil avra in mund sonor tuttafatg nunenconuschent. Il didgeridoo vegn sunà cun tecnicas da beatbox e plitost sco instrument da percussiun. Il corpus dal didgeridoo, il bischen, lascha resunar ils impuls da flad tuttina sco suns. Uschè resulta ina sort da Balkan-Metal-Sound poliritmic che Lapaine pachetescha mintgatant en ritmus che tschiffan ed animeschan a sautar e mintgatant en cumposiziuns cumplexas d’ina undada enivranta. Curs Durant il curs lavura Dubravko Lapaine vi dals elements da basa dal sunar didgeridoo. L’exercizi da respiraziun, il sa render conscient dals agens mecanissems da respirar, la controlla da quels e da la musculatura dals lefs vegnan a star en il center dal curs. Il curs sa drizza a principiants – tuttina sch’els san la respiraziun circulara u betg – ed a avanzads che vulan savair dapli davart il tema respiraziun cun sunar didgeridoo. Didgeridoos d’auta qualitad vegnan mess a disposiziun a tut ils/las participants. Curs e concert cun Dubravko Lapaine Sonda, 19 mai 2018 Chasa Rumantscha, Via da la Plessur 47, Cuira Curs: 13.00 - 17.30 / Concert: 20.00 Lingua da curs englais/translaziun sche necessari Didgeridoos stan a disposiziun Curs: CHF 140.- / Concert: CHF 25.-/20.- / Curs e concert: CHF 150.- Annunzia ed infurmaziuns: Jan Rehwinkel, 076 528 16 06 / janrehwin...@gmx.de<mailto:janrehwin...@gmx.de> Cordials salids, Gianna Olinda Cadonau Jan Rehwinkel [cid:DB5B6E45-CCA7-4CC6-99A2-B8E4BA7323D5@liarumantscha.local] Dubravko Lapaine
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch