Prelecziun musicala ainten la Bar Palaver a Savognin
A caschun digl proxim Café Rumantsch mesemda igls 30 da schaner preligia Benedetto Vigne or da sies nov roman «Ils ventganov da settember», a las 19 h ainten la Bar Palaver a Savognin. La musica vign da la cantadoura Saskia Demarmels, ma er digl autour sez.
«Jau ves co mes mauns tschiffan ses culiez. Els sa strenschan. Els èn gronds. Sco sut ina marella. Jau ves las faudas en la pel, ils tachels primavaira, il flom. Jau ves las poras, las capillaras. Jau smatg e smatg, jau strocl, strensch. Mes mauns daventan l'emprim cotschens, lura alvs, survegnan finas avainas rosas e verdas, ils tachels sa midan, daventan cristalla; uss èn ils mauns transparents, la detta sa multiplitgescha, sis, set, otg per maun. E lura perdan ils mauns dal tut lur furma, els daventan trids, sa setgentan, sa smugrinan. Jau ser ils egls.» (Excerpt da «Ils ventganov da settember»).
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
