VIVA Lia Rumantscha in Val Müstair Prolog pel giubileum "100 onns Lia Rumantscha"
In vista al grond giubileum da 100 ons va la Lia Rumantscha in visita illas valladas rumantschas per s'inscuntrar, barattar ideas e discuter dad evenimaints chi capitan di per di illa Rumantschia La Lia Rumantscha invida cordialmaing a la sairada da cumpagnia "VIVA Lia Rumantscha" da marcurdi, ils 19 da gün i'l Museum Chasa Jaura a Valchava. A partir da las 20.00 infuormeschan Johannes Flury, president da la Lia Rumantscha, e Gianna Olinda Cadonau, la manadra da program, a tuot las persunas interessadas davart il festival "100 onns Lia Rumantscha" chi ha lö dals 1. als 18 d'avuost a Zuoz. Pel divertimaint musical procuran Ils Jauers Arno & Aldo - ils trubadurs rumantschs classics chi chantan insembel daspö 16 ons. Alch special es la preschantaziun dals duos filmins "La Tessanda" ed "Incendi da guaud en Val Müstair". La Televisiun Rumantscha vaiva fat dal 1970 ün purtret da l'instituziun chi ha seis sez a Sta. Maria e rapportà dal 1983 dal fö in Val Brüna. Daplü infuormaziuns davart il festival "100 onns Lia Rumantscha" dals 1. als 18 d'avuost a Zuoz e la prevendita dals bigliets pel teater "Tredeschin Retg" as chatta qua: www.100onns.ch Cun amiaivels salüds Lia Rumantscha per nossa lingua 100 onns Lia Rumantscha <https://www.100onns.ch/> 1.-18 d'avust 2019 a Zuoz<https://www.100onns.ch/> Via da la Plessur 47 | 7001 Cuira telefon +41 (0)81 258 32 22 | e-mail: [email protected]<mailto:[email protected]> www.liarumantscha.ch<http://www.liarumantscha.ch> | www.100onns.ch<http://www.100onns.ch>
<<attachment: winmail.dat>>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
