[cid:image002.jpg@01D5956D.91622580] La «Sonda lunga» è in punct fix en il chalender cultural da la chapitala grischuna. Per in entir di, durant precis dudesch uras, sa preschentan divers manaschis da cultura pli pitschens e pli gronds. RTR avra sonda, ils 16-11-2019 sias portas per Vus tranter las 12:00 - 20:00.
Tge spetga Vus? RTR preschenta las professiuns e mussa la lavur concreta en ils studios. Co far radio e televisiun? Co vegnan las contribuziuns realisadas ch'ins vesa ed auda mintga di? Las emissiuns vegnan producidas live per e cun Vus e tgi che vul po collavurar davos la camera u al microfon. Uschia avais Vus la pussaivladad da fufragnar en l'archiv, zambregiar in radio DAB+ (per uffants a partir da 8 onns) e far in guid tras la Chasa RTR. Sa chapescha na dastga er la musica betg mancar. Durant pitschens concerts da mintgamai 35 minutas vegnan preschentadas ivettas or dal grond archiv da musica da RTR. Ils concerts en survista: 16:00 Benedetto Vigne e Paulin Nuotclà, Bulais, Mattiu Defuns 18:00 Hades, Passiunai, Saskia Demarmels (primaudiziun dal 47. Top Pop Rumantsch) 19:00 Corin Curschellas, Tartaruga, Liricas Analas Nus ans legrain da Vossa visita! Voss team da RTR
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
