[cid:[email protected]] Da nus per ils uffants - istorgias or dal «Gôt Miraculous»
Entamez il guaud «Gôt Miraculous» sa scuntran ils amis Lina Lieur, Not la Vulp e Tschuetta Rut tar la plazza da gieu ch'è l'enviern tut bandunada. La naiv ed il fraid fan fastidi als trais cumpogns. Tge fortuna ch'els han l'in l'auter e che mintgin e mintgina fa gugent surpraisas - lungurus n'han els uschia segir betg. Per il temp d'advent regala RTR als uffants tschintg istorgias or dal «Gôt Miraculous», scrittas da Dominique Dosch. D'udir èn las istorgias dals 16 enfin ils 20 da december, mintgamai a las 17:40 sin las undas da Radio RTR. Sin rtr.ch/uffants<http://www.rtr.ch/uffants> chattais Vus sper las aventuras dals trais amis er auters videos, audios, in lexicon e versets en tut ils idioms. Il team da RTR giavischa in bel temp d'advent e bun divertiment cun las istorginas!
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
