[cid:[email protected]]<https://www.rtr.ch/novitads/grischun/podcast-bainvegni-en-il-podknast>
«PodKnast»: Istorgias or da la praschun Avant bun in'emna han ils praschuniers midà da la praschun Sennhof a Cuira en la nova praschun a Cazas Tignez. Ina praschun trais giadas uschè gronda, pli moderna e pli segira. A chaschun da quella midada avain nus lantschà in podcast cun il num «PodKnast». En il «Podknast» raquinta glieud che abitescha u lavura a Cazas Tignez da las istorgias che la vita (da praschun) scriva. Da bels e pli pauc bels muments, dal viver e surviver. I vegn magari trist, magari malempernaivel, magari er legher ubain tut enina. Il «PodKnast» pudais Vus tadlar sin rtr.ch<https://www.rtr.ch/novitads/grischun/podcast-bainvegni-en-il-podknast>, sin Spotify ubain sin Apple Music. Bun divertiment giavischa, Voss team da RTR
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
