[cid:[email protected]]<https://www.rtr.ch/novitads/rtrintern/la-glista-da-siemis-da-la-vita-tge-stat-sin-tia-bucket-list>
Mintgatant èn las pitschnas chaussas era quellas che pon far ventiraivel. Ins sto be far ellas. Sin la «bucket list», ina sort glista da siemis, pon dentant er star chaussas, ch'ins dovra l'entira vita da realisar. Magari chaussas utopicas, magari curiusas, magari surprendentas, magari legras. RTR a la tschertga Ils giavischs persunals per realisar durant la vita pon esser pitschens u era fitg gronds. Principal è ch'els fan plaschair. RTR è a la tschertga da persunas ch'han uschia ina glista - forsa era sulet en il chau. Persunas ch'han realisà chaussas concretas, ch'èn vidlonder u ch'han en mira da far quai insacura. Persunas ch'han gust da discutar da quels giavischs magari anc uschè schregs. Avais Vus ina «bucket list»? Lura s'annunziai via [email protected]<mailto:[email protected]>. Dapli infurmaziuns chattais Vus qua<https://www.rtr.ch/novitads/rtrintern/la-glista-da-siemis-da-la-vita-tge-stat-sin-tia-bucket-list>. Nus s'allegrain sin Vossa «bucket list». Cun amiaivels salids Voss team RTR [cid:[email protected]]
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
