Lavuratori Traversadas litteraras 2020 Venderdi, ils 2 d'october 2020, 10:00-18:00 Junges Literaturlabor JULL, Bärengasse 20, 8001 Turitg La Lia Rumantscha e la Chasa da la Translaziun Looren envidan al lavuratori Traversadas litteraras. Cun sustegn amicabel da la Fundaziun per la cultura Pro Helvetia e da la Fundaziun Oertli.
Il lavuratori orientà a la pratica sa drizza a persunas activas sin il champ da la litteratura da lingua rumantscha che scrivan, translateschan u lectoreschan texts rumantschs e/u tudestgs. Quest tschintgavel lavuratori metta l'accent sin la prelecziun dad (agens) texts. Coordinaziun Gabriela Stöckli (Chasa da la translaziun Looren), Sara Francesca Hermann (Lia Rumantscha) e Flurina Badel. Program 09:30-10:00 café en il Kaffeehaus zur Weltkugel, JULL, Turitg 10:00-12:30 Prelecziun dad agens texts cun il coach da retorica Werner Geiger, part I 12:30-14:00 gentar en il Kaffeehaus zur Weltkugel 14:00-15:00 Preleger u performar. Co fan auters? Cun Flurina Badel 15:20-17:00 Prelecziun dad agens texts cun il coach da retorica Werner Geiger, part II 17:00-18:00 en atgna chaussa / runda finala Da manar Tuts mainan trais texts curts per exercitar, almain in en rumantsch ed in en tudestg. I vegn recumandà ad auturs e translaturas da manar agens texts. Annunzia e custs Il lavuratori sa drizza a persunas activas sin il champ da la litteratura cun u senza experientscha da publitgar. Brev da motivaziun cun curs da la vita fin ils 21 da settember 2020 per e-mail a: [email protected]<mailto:[email protected]> Il dumber da participantas e participants è limità. La participaziun e l'alimentaziun èn gratuitas; ils custs da viadi surpiglian las participantas ed ils participants sezs. Ulteriuras infurmaziuns Gabriela Stöckli, Chasa da la translaziun Looren: [email protected]<mailto:[email protected]>. Tel. 043 832 12 43. Sara Francesca Hermann, Lia Rumantscha: [email protected]<mailto:[email protected]> Tel. 079 596 05 50
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
