LA VOUTA Dumengia, ils 29 da november a las 10.00 ed a las 11.00 quinta Laure-Isabelle Blanchet SIGNURINA CHAPÈ Il giat da Signurina es svani ed ella va oura a til tscherchar. Ma Signurina nu va mai our da chasa sainza chapè. Davant il spejel as mett’la sü tuot seis chapels chi sun in troclas: ün chapè musical, ün chapè da bös-ch, ün chapè sco üna chasa chi fa piruettas… mo ingün nu tilla persvada tschient per tschient. Finalmaing divr’la lultima trocla. Mincha chapè quint’ün’istorgia chi divra muonds nouvs, cumainz’a viver. Uschè daja mumaints poetics da bellezza s-chaffits bel ed aposta per ils aspectatuors ils plü pitschens.
Normalmaing vain giovà quist toc per frances (“Mam’zelle Chapeau”), per La Vouta til vaina tradüt per rumantsch. L’expressiun dominanta es e resta però la lingua dals purtrets, giovantada e be surpraisas. Dürada dal toc: 22 minuts Entrada: Uffants gratuit, creschüts 20.00 frs Da e cun Laure-Isabelle Blanchet RESERVAZIUN 079 285 79 49 [email protected] <mailto:[email protected]> La chascha driva 20 minuts avant chi cumainza, dimena a las 9.40 e da las 10.40. Masüras da protecziun Covid-19 Pervi da la situaziun speciala causa il virus corona staina adattar tscherts proceders in La Vouta. Malavita eschna sforzats da desister pel mumaint sün la sporta dal bistro e bavrondas. Implü registraina las indicaziuns da contact da tuot ils preschaints per pudair garantir ün’eventual’infuormaziun da pertocs e pertoccas. E lura dumandaina a tuots e tuottas dal public da portar üna mascra. Mascras per ütil singul e mezs per dischinfectar ils mans stan a disposiziun in cas da bsögn. Actualmaing das-chaina bivgnantar a 50 persunas i’l publicum. Per evitar dischillusiuns giavüschaina da’S annunzchar per la visita in La Vouta. La situaziun as müda cuntinuadamaing, quia chattaivat adüna las infuormaziuns las plü actualas davart las masüras da protecziun. Nus ans allegrain d’As pudair bivgnantar i'l public adonta da tuot las cumplicaziuns e dschain be fidanza, spranza e paschiun: Art e cultura douvra güsta uossa daplü co mai. Nus ans allegrain da Vossa visita! A la prosma vouta in La Vouta <https://lavouta.us15.list-manage.com/track/click?u=c8a900fafe2f7c8305a4ad7c1&id=9efaaec18d&e=6c332c7387> LA VOUTA Lö da cultura ed inscunter Suzöl 4, 7543 Lavin
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
