Charas Rumantschas e chars Rumantschs
La Pro Svizra Rumantscha lantscha in nov project.
Ils ultims onns avain nus adina puspè constatà che autoritads
chantunalas e vischnancas rumantschas communitgeschan en tudestg cun lur
abitants, bain che la Lescha da linguas dal chantun Grischun oblighescha
ellas da duvrar en quels cas il rumantsch.
Avais er vus fatg quella experientscha?
Perquai lantschain nus il project «Reclamaziun.ch»
Cun quel vulain nus far attent a questa disa donnegianta per il
rumantsch. Nus vulain rimnar exempels e respunder a vischnancas ed
autoritads che dovran il tudestg là, nua ch’ellas stuessan duvrar il
rumantsch.
Perquai as supplitgain nus d’ans trametter tals exempels da
communicaziuns tudestgas. Nus rimnain quels e preparain per vus
respostas a las autoritads.
Raquintai er a voss collegas da quest project – tuts en envidads d’ans
trametter exempels: [email protected].
Nus vulessan far conscient a populaziun ed administraziun ch’i dovra
acziuns e sforzs activs per mantegnair nossa lingua en sia furma scritta.
Grazia fitg per voss sustegn!
La suprastanza da la PSR
P.S. Nus ans allegrain adina da novas commembras e novs commembers:
http://rumantsch.ch/rm/commembranza.html
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
