[cid:[email protected]] Novas aventuras dals trais amis or dal «Gôt Miraculous»
L'atun è qua! Las plantas da fegla èn sa coluradas en in cotschen profund u mellen traglischant. Era ils lareschs han survegnì ina bellezza colur dad aur e sa preschentan en tutta pumpa tranter ils pigns verds dal «Gôt Miraculous». Ils trais amis Tschuetta Rut, Not la Vulp e Lina Lieur èn s’entupads avant il Pign Grond ed observan cuntents lur guaud. Tge fortuna ch’els han in l’auter e che mintgin e mintgina fa gugent surpraisas ed ha bunas ideas – lungurus n’han els segir betg. Per il temp d'atun regalain nus als uffants tschintg istorgias or dal «Gôt Miraculous», scrittas da Dominique Caglia Dosch. Sin rtr.ch/uffants<http://www.rtr.ch/uffants> chattais Vus sper las aventuras dals trais amis er auters videos, audios, gieus auditivs, in lexicon e versets en tut ils idioms. Il team da RTR giavischa vinavant in bel temp d’atun e bun divertiment cun las istorginas.
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
