Caras amitg*as dalla Cooperativa Encarden
Ussa daventi concret! Nus prendein a mauns la fundaziun dalla Cooperativa
Encarden. Cheu anflas ti igl invit al luvratori «fundar ina cooperativa»
<https://encarden.ch/wp-content/uploads/2023/03/Invit-al-luvratori-fundar-ina-cooperativa.pdf>
ils 29 d’avrel a Sagogn. Vul ti habitar ella Casa Encarden ni promover il
project cun tias cumpetenzas? Lu selegrein nus da tia annunzia. En cass che ti
sas buca vegnir al luvratori, astgas ti bugen separticipar la proxima ga.
L’evaluaziun dil luvratori dil vitg ei terminada ed il protocol fotografic culs
resultats vegn publicaus proximamein sin nossa pagina d’internet. Leu anflas ti
era in artechel dalla gasetta Wochenzeitung (WOZ) che tematisescha la dificila
situaziun sil marcau da habitaziuns en vitgs turistics els cuolms. Igl artechel
presenta il project Cooperativa Encarden sco ina propo sta per sligiaziuns
pusseivlas. Ultra ei la pagina d’internet ussa era accessibla cumpletamein per
romontsch.
Al luvratori dil vitg ei ina gruppa da diversas persunas da Sagogn
seconstituida. Quella vegn ad accumpignar e sustener il project cun lur savida
locala.
Cordials salids
Martin, Flurin, Andri, Curdin e Maurus Bundi
www.encarden.ch <http://www.encarden.ch/>
[email protected] <mailto:[email protected]>
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
