La società Anna Florin spordscha divers inscunters davart
«Fabrichar concentrà in edifizis existents - favuraivel, confuorm al temp e cun respet» Anna Florin pretenda cha’ls centers dals cumüns restan spazi d’abitar primar e pajabel ed as ingascha perquai pel fabrichar concentrà in edifizis existents. La populaziun locala e main benestanta nu das-cha gnir privada da transfuormar chasas da dret vegl in spazi d’abitar confuorm al temp. Sper il sustegn dals cumüns politics douvra perquai eir ideas nouvas e creativas da las architectas e dals architects e da la mansteranza in collavuraziun cun la chüra da monumaints. La società Anna Florin invida a minchün:a chi s’interessa pel tema da gnir a verer, tadlar e discuter insembel cun expertas ed experts in divers edifizis existents chi sun in differents stadis da renovaziun e construcziun. Il prüm inscunter ha lö in sonda, ils 6 da mai 2023 da las 15:00 - 17:00, pro la Chasa Fanzun, Sparsels 155, 7553 Tarasp. Il focus da quist inscunter es impustüt la trapartida d’üna chasa engiadinaisa in plüssas abitaziuns, e quai a man d’ün exaimpel dals ons 80. Cun la partecipaziun da l’architect Riet Fanzun e la cusgliadra da la chüra da monumaints Mengia Mathis. Moderaziun: Flurina Badel. Ils prossems inscunters han lö als 17 da gün, als 15 da lügl, als 9 da settember ed als 14 d’october 2023. Daplü sün https://annaflorin.ch/#actual <https://annaflorin.ch/#actual> Flurina Badel www.annaflorin.ch +41 79 624 89 67
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
