Leger in krimi lai batter noss cor pli spert, ina istorgia d’amur chatscha a nus larmas en ils egls, ina poesia fa pel gaglina, tar ina cumedia stuvain nus rir dad aut, e leger gida nus da ans durmentar! La litteratura ha pia in’influenza directa sin noss corp. E tge influenza ha il corp sin la litteratura? Co tracta la litteratura rumantscha la varietad, funcziunalitad, particularitad e individualitad dals differents corps?
Il «corp» è il motto dals dis da litteratura da uonn, dals 3 enfin ils 5 da november. Sin il program èn sper vernissaschas dals pli novs cudeschs rumantschs, concerts, prelecziuns, teater e show er discussiuns animadas sur da la diversitad en la litteratura rumantscha. Pia: Notai il datum en vossas agendas - il program detaglià suonda pli tard. Voss OK dals Dis da litteratura
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
