Charas studentas e chars students Charas amias e chars amis da la litteratura rumantscha
Proximamain cumenza il semester d’atun a l’Universitad da Turitg. Jau hai il plascher da’s render attents a la prelecziun Andri Peer: scriptur experimental en poesia, publicistica e prosa. Andri Peer (1921–1985) è in dals impurtants scripturs rumantschs da la segunda mitad dal 20avel tschientaner. Sper sia producziun innovativa da poesia, publitgada tranter il 1946 ed il 1985, è el s'occupà er en maniera experimentala cun la plipart dals geners e da las domenas litteraras: Andri Peer ha scrit raquints ed essais en rumantsch e tudestg, tocs teater e gieus auditivs. Sco collavuratur da radio e da revistas e feuilletons è el sa profilà sco promotur da la cultura rumantscha dador il Grischun, cun ses engaschaments en societads da scriptur*as e sia lavur editoriala è el daventà in actur dominant en la scena litterara rumantscha. In'approfundaziun en ils champs centrals da sias activitads porta damai cun sai ina contextualisaziun dal svilup litterar rumantsch da divers decennis. La prelecziun è basada sin l'ovra publitgada da l'autur sco er sin ses vast relasch a l'Archiv svizzer da litteratura e sin las diversas lavurs da perscrutaziun dapi ils onns 2000. La prelecziun ha lieu dals 19-9-2023 als 19-12-2023 mintgamai il mardi da las 16.15h a las 17.45h, al RoSe, Zürichbergstrasse 8, en la stanza ZUG-D-31. Audituras ed auditurs èn bainvegnids. Vorlesungsverzeichnis Herbstsemester 2023 Link: https://studentservices.uzh.ch/uzh/anonym/vvz/index.html#/details/2023/003/E/51168724/50000007/Philosophische%2520Fakult%25C3%25A4t/50896638/Master%2520of%2520Arts%2520(RVO19)/50897681/R%25C3%25A4toromanische%2520Sprachwissenschaft%252FLiteraturwissenschaft///51168718/Andri%2520Peer%253A%25C2%25A0scriptur%2520experimental%2520en%2520poesia%252C%2520publicistica%2520e%2520prosa Veranstaltung Andri Peer: scriptur experimental en poesia, publicistica e prosa 431j049a / Vorlesung / 225 Unterrichtsmaterialien: La bibliografia dad Andri Peer è accessibla online: https://www.nb.admin.ch/snl/de/home/ueber-uns/sla/bibliografien- literatur.html Ulteriuras materialias vegnan repartidas durant il semester. Dozierende: Annetta Ganzoni Pitsch Unterrichtssprache: Rätoromanisch Auditor zugelassen: Ja Cordialmain salida Annetta Ganzoni, dr. phil. Büro per Litteratura Gurtenbrauerei 78 3084 Berna [email protected]
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
