Uniun dals Grischs: Nouva pagina d'internet Nossa nouva pagina d’internet es qua: www.udg.ch! Üna rolla principala survegnan ils dicziunaris vallader/tudais-ch e puter/tudais-ch. L’UdG as po muossar in nouv vesti digital e metta daplü pais sün sias activitats principalas. Lapro tocca l’edir cudeschs (Chalender Ladin, Chasa Paterna, Dun da Nadal), organisar occurrenzas (Poetry Slam Engiadinais, prelecziuns, concerts), spordscher ils dicziunaris, la butia da cudeschs i’l Chesin Manella ed online, la commembranza. Tuot quai as preschainta sülla nouva pagina www.udg.ch. La pagina fin qua nu d’eira plü adattada al temp dad hoz e nu d’eira neir na plü bain ütilisabla cun telefonin. La suprastanza da l’Uniun dals Grischs ha elavurà la pagina nouva insembel cun Gammeter Media daspö l’avrigl da quist on. Lapro sun eir gnüts surelavurats il cuntgnü e la sporta. Nouv daja la pagina eir in tudais-ch. Implü exista la pussibiltà da far donaziuns a man da l’UdG per cha l’uniun dals Ladins e las Ladinas possa sviluppar inavant ils dicziunaris, ma eir otras funcziuns da la pagina d’internet. Ils müdamaints in connex cul dicziunari sün ün sguard: Surtut ils drets vi dals dicziunaris online da Gion Tscharner. Ilsdrets appartegnan uossa a l’UdG Surtut las datas da la grondiusa lavur da Gion Tscharner per 100% illa nouva banca da datas Nouva soluziun cun linguists chi garantischan la qualità I dà inavant la pussibiltà da far dumondas o propostas per nouvs pleds Actualisaziun cun plü ota frequenza cun quai cha’l linguist lavura direct süllas datas chi’s vezza eir Nus sviluppain inavant ils dicziunaris Pussibiltà da metter a disposiziun las datas eir ad oters Funcziuns chi sun planisadas in avegnir: glistas tematicas, etimologia, fuormas enclicticas Nus ans allegrain dal rebomb our dal ravuogl da las ütilisadras e dals ütilisaders. La suprastanza da l’Uniun dals Grischs
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
