VIDEO PER MINCHÜN
TIPS E TRICS, CUSSAGLS E RAMPIGNS DAL PROFI Cuors per creschüts sport da Cinevnà e manà d’Armon Schlegel In quatter sairas At muossa la basa per far meglders films. Sajan quai filmins privats da las vacanzas o films plü pretensius. Il cuors nun es dependent da la camera (telefonin o camera professiunala) e neir na dal sistem da tagl. Minchün po gnir al cuors cun seis sistem o eir sainza nöglia. BÖTS DAL CUORS I‘s imprenda: a filmar ed a tagliar a quiantar istorgias visualas co far purtrets atractivs chi’s po eir tagliar cha’l tun es fich important e co cha tü eviteschast nosch tun la lingua dals purtrets la lingua e las reglas dal tagl e da la montascha a tagliar teis material filmic a far intervistas cun bun tun e cun buna glüm ed implü poust gnir cun tias dumondas PER CHI? Per minchün chi ha interess e less far videos, sajan quai principiants o eir avanzats. I‘s stess savair ir intuorn ün zich cun ün telefonin, tablet o computer. Pel cuors nu‘s stoja avair ne camera ni ün agen computer. Pel tagl vain sport gratuitamaing ün iPad per filmar e per tagliar. FUORMA DAL CUORS: Quatter sairas in november adüna la gövgia als 2, 9, 16 e 23 da las 20:15 fin ca. las 22:30. LÖ DAL CUORS: Zernez, chasa dal parc i’l chastè Wildenberg CUOSTS: 150.- francs ANNUNZCHAR: Il cuors vain manà tras schi ha almain 4 annunzchas. Il nomer maximal pel cuors sun 10 persunas. T’annunzcha per plaschair plü svelt co pussibel per e-mail sün [email protected] <mailto:[email protected]> cun Teis prenom, nom ed adressa.
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
