Acziun d'advent da la Lia Rumantscha per uffants Noss nov cudesch per lecturas e lecturs giuvens è cumparì: «Clara e Beni spendran Nadal»<https://www.liarumantscha.ch/rm/butia>. Ma tge faschais vus atgnamain il pli gugent durant il temp da Nadal? Zambregiar, chantar, far biscuits, leger istorgias da Nadal, decorar il pignol?
Dissegnai in maletg da quai che as plascha il meglier ed ans tramettai quel fin ils 18 da december! Cun in zic fortuna gudagnais vus in exemplar dal resch nov cudesch «Clara e Beni spendran Nadal» (adattà per la 2. classa primara). Nossa adressa è: Lia Rumantscha Concurrenza d'advent Via da la Plessur 47 7001 Cuira Betg emblidai da scriver si sin la vart davos da voss maletg: - num - adressa postala - vegliadetgna - idiom giavischà Nus ans legrain fitg sin vossa creativitad ed as giavischain in bel temp d'advent! Cordials salids Lia Rumantscha P.S.: Era quest onn avain nus puspè in'acziun da Nadal: Tgi che cumpra enfin ils 20 da december 2023 in da noss products online u en nossa butia a Cuira, prenda automaticamain part a nossa acziun da Nadal. Cun in zic fortuna gudagnais in bon da regal (1. premi: CHF 100.00 / 2. premi: CHF 50.00 / 3. premi: CHF 30.00 / 4. premi: CHF 30.00 / 5. premi: CHF 30.00). Bun cletg! Lia Rumantscha per nossa lingua Via da la Plessur 47 | 7001 Cuira telefon: +41 (0)81 258 32 22 | e-mail: [email protected]<mailto:[email protected]> www.liarumantscha.ch<http://www.liarumantscha.ch/>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
