Charas e chars Qua anc ultimas infurmaziuns davart l'emprim creaton rumantsch. Nus ans legrassan fitg da pudair beneventar tai sonda, ils 20 da schaner 2024, a las 10.00 en il center da quartier Bäckerlage a Turitg (Quartierzentrum Bäckeranlage, Hohlstrasse 67, 8004 Zürich). Has ti ina idea per in project? U vuls guardar tge che vegn discutà? Nus rimnain las ideas da project gia ordavant sin la pagina endrizzada per quest intent<https://edupad.ch/p/NoxF8RVrvE>, dai in sguard! En il center stattan las dumondas:
* Co sustegnair famiglias, uffants e persunas giuvnas en la diaspora? * Tge motivescha e gida da tgirar il rumantsch e da dar vinavant la lingua e la cultura a la proxima generaziun? * Tge raits èn necessarias? Program: 10.00 arrivada e café 10.30 bainvegni, preschentaziun studi diaspora 11.00 reflexiun/brainstorming, silsuenter lavurs en gruppas, 12.00 gentar 17.00 inoltraziun sbozs da projects 17.30 preschentaziun dals projects, silsuenter apero Cun il creaton vulain nus pussibilitar in barat fitg avert, tar il qual ideas da project vegnan sviluppadas cuminaivlamain en gruppas. Perquai rimnain nus ideas da project gia ordavant sin la pagina endrizzada per quest intent<https://edupad.ch/p/NoxF8RVrvE>. Uschia pudain nus e tut las participantas e participants ans preparar anc meglier per discussiuns creativas e constructivas. Era persunas che na pon betg sa participar a l'occurrenza èn envidadas da parter lur ideas sin quella pagina. Grazia fitg! Sa chapescha èn envidadas a l'occurrenza era persunas che n'han anc naginas atgnas ideas da project, ma che vulan parter lur experientschas e collavurar. Nus avain anc plazzas libras ed ans legrain dad ulteriuras annunzias. Grazia per trametter l'invitaziun er ad ulteriuras persunas interessadas, e grazia per l’annunzia per facilitar l’organisaziun. Per spaisa e bavronda durant l'entir di èsi procurà. Nus ans legrain fitg d'in barat inspirant. Per dumondas stain nus gugent a disposiziun. Cordials salids, Barbla Etter e Dominic Blumenthal Co-presidi Pro Svizra Rumantscha
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
