Charas Rumantschas e chars Rumantschs Mes num è Melissa Stüssi ed jau studegel multimedia Production a la Scola auta spezialisada dal Grischun. La fin da favrer vegn jau en il semester da bachelor e vegn ad elavurar mia dissertaziun e mes project d'instrucziun davart la dumonda da perscrutaziun "Co pon linguas periclitadas vegnir preservadas tras digital Empowerment da murir or?". Sa chapescha che jau vuless en il rom da questa lavur er ma fatschentar dals idioms rumantschs. La Lia Rumantscha ha gia acceptà da ma sustegnair tar mia tesa.
Mes project d'instrucziun è in magazin cun quatter differentas linguas periclitadas, tranter auter era cun il rumantsch. Per quest intent faschess jau fitg gugent duas intervistas cun persunas che discurran rumantsch. En il coc duai ir per quai che lur lingua signifitgescha ad els, co ch'els van enturn cun il fatg, ch'els èn smanatschads e tge ch'els giavischan per lur lingua. Adina è l'atgna lingua er in toc identitad. Perquai ma drizzel jau a Vus: sche Vus avessas temp e gust da s'inscuntrar cun mai sin in café il mars u l'avrigl e discurrer davart Vossa lingua, avess jau in plaschair extraordinari. Cunquai che jau mezza diplaschaivlamain mo in pèr pleds rumantschs, fiss l'intervista per tudestg. S'annunziai gugent tar mai sut [email protected]. Jau ma legrel! Amiaivels salids Melissa Stüssi
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
