Char:a abunent:a da la Posta Rumantscha
Durant prest vegn onns – dapi il 2005 – ha la Posta Rumantscha da la
GiuRu fatg attent l’entira Rumantschia a concerts e teaters, curs e
prelecziuns, ma era gidà a chattar probandas e probands che empleneschan
formulars davart il «S predicativ sursilvan» ed autra rauba
interessanta.
Tut quai ha funcziunà grazia a dus sistems fidabels: La glista dad
e-mail da Mailman ed il moderatur da la glista Gion-Andri Cantieni.
Dapi ils 12 da mars 2024 datti ina nova purschida che remplazza la Posta
Rumantscha: il servetsch CHALENDER.CH. Là datti ina rubrica per
occurrenzas ed ina rubrica per annunzias da tut gener – la «tavla
naira».
E per mintgina e mintgin che survegn gugent e-mails: Cun agid dad in
conto pon ins abunar las occurrenzas via e-mail (e quai perfin cun
filtrar mo quai che interessescha propi)!
Nus schain grazia ed adia e sperain che ti hajas era plaschair da la
Posta Rumantscha 2.0 – la website CHALENDER.CH.
Cordials salids
la GiuRu
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
